MAIO: LETRAS GALEGAS

O Equipo de Dinamización da Lingua Galega da nosa escola está a preparar as actividades que desenvolveremos para conmemorar o Dia das Letras Galegas.

Como ben sabedes, este ano o autor homenaxeado é Xosé María Díaz Castro, nado en Guitiríz no ano 1914.

Para comezar a coñecer a vida do autor contaremos cos seguintes recursos:

• Libro - DVD sobre a vida e obra de Díaz Castro. Consultáo AQUÍ en pdf.                                 Máis info neste enlace.

• Web de interese.
• Biografía do autor
• Unidades didácticas por ciclos.
• Guía para primaria con actividades para a celebración das Letras Galegas 2014

O coñecemento da vida e obra do autor axudaranos a desenvolver actividades para decorar o mural colaborativo que adornará a entrada da escola.

Entre todas as clases debuxaremos un gran mural en forma de rosco de Pasapalabra onde atoparemos preguntas e respostas relacionadas co autor traballadas previamente polo alumando do centro nas aulas, en colaboración coas titoras e titores da escola.

Cova alumada, Esmeralda, Do novo ceo, Nimbos, O verme e a estrela ou Penélope son poemas de Díaz Castro que completarán o mural.

Nenas e nenos de Infantil tamén terán o seu importante papel: colorearán con técnica libre o retrato de Díaz Castro que se colocará no centro do mural.

Para rematar...

"Concursaremos" en Pasapalabra! 

A través de xogos interactivos, por ciclos formaremos grupos que tratarán de dar resposta ás preguntas relacionadas coa vida e a obra de Díaz Castro que aparecerán no rosco de Pasapalabra.

MARZO: Tempo de mulleres e música.

O día 8 de Marzo celébrase o día da muller. 

MURAL COLABORATIVO: TEMPO DE MULLERES 

No CEIP Ponte do Porto non nos esquecemos da importancia deste día como un xeito de apostar pola coeducación e a igualdade de oportunidades entre homes e mulleres.

Como estamos a celebrar este día?

Un reloxo xigante acompañará a entrada da escola e levará por título: "Marzo: tempo de mulleres".
Cada hora representará a vida dunha muller destacada en diferentes disciplinas. Tantas mulleres como horas teñen os reloxos que marcan o compás da nosa vida.

Así coñeceremos a vida de:

Jennifer Batten: guitarrista.
Monserrat Caballé: cantante de ópera.
Isabel Coixet: directora de cine
Marie Curie: quiímica e física
Clara Campoamor: política
María Pita: heroína
Rosalía de Castro: escritora
Valentina Vladiminovma: astronauta
Coco Chanel: deseñadora
Rosalía Mera: empresaria
Elizabeth Blackwell: doutora
Margarita Salas: científica
Ana Peleteiro: atleta
Frida Khalo: pintora

A vida das mulleres será traballado nas aulas a través do emprego das TIC. Buscaremos información relacionada coa súa vida e o traballo que desenvolveron na época que lles toca, ou tocou vivir. As máis pequenas contribuirán co mural elaborando as letras e as horas que o complementan.

Aquí tedes algunha imaxe do traballo realizado.

CHARLA CON MULLERES TRABALLADORAS DO MAR

A mellor forma de coñecer o traballo ligado ao mar que desenvolven as mulleres da nosa comarca e, deste xeito, poñelo en valor, é escoitándoas a elas mesmas.

Así que... Despois dunha proposta por parte da escola, contaremos coa presenza de Chus, que é mariscadora, Vanesa, que desenvolve o seu traballo como percebeira e Cristina, a fareira do Faro Vilán.

Acompañará a charla a lectura do libro editado polo CEIP de Corme: "Maruxa a Mariñeira."

E aquí tedes algunha foto da sesión!

 

MULLERES E MÚSICA

Dende a área de música tamén se traballa a vida de diferentes mulleres adicadas á música ao longo dos últimos anos.

AQUÍ  podes atopar o vídeo.

FEBREIRO: Entroido!

Chega o tempo de entroido e na escola festexámolo!

Para comezar, as nenas e nenos de Infantil e 1º curso, animaron o corredor.


E seguimos con máis actividades nesta semana!

• Durante a semana...

Teremos un convidado especial... O Meco! 

Encargarase de ir dando consellos a nenos, nenas e profesorado da escola sobre o que poden ir vestindo cada día. Iremos acumulando todo o que vaia aconsellando coa finalidade de que cheguemos o venres co disfrace completo.

O Meco fíxonos un adianto dos consellos que dará. Aquí os tedes!

LUNS: "Aínda que de tolos che pareza, trae algo na cabeza."

MARTES: "Se no pozo non queres caer, algo no pescozo deberás traer."

MÉRCORES: "Se a cara queres cubrir, con pencas, gafas, bigote... Debes vir!"

XOVES: " O xoves vés con algo nos pés."

VENRES: " O venres, sabes que? Algo no corpo tes que traer e todo o anterior debes poñer."

• O venres...

Por unha banda... Contaremos co xa tradicional concurso gastronómico de postres de entroido. As familias colaborarán elaborando deliciosos postres que logo degustaremos cunha cunca de chocolate.

Mirade o resultado...

E pola outra... Desfilaremos no patio da escola amosando os marabillosos e creativos disfraces que elaboramos seguindo os mandatos do Meco e animaremos a festa coas comparsas que nenos e nenas crearon ao longo das últimas semanas.

Aquí podes desfrutar dalgunha das letras.

Achégate o venres 28 á escola, de 10:30 a 11:30, 

e desfruta do entroido con nós!!

XANEIRO: Reflexionamos sobre a Paz

O vindeiro 30 de Xaneiro conmemórase o Día da Paz e dende a escola temos preparadas varias actividades. Esperemos que as desfrutedes!

UN POUCO DE MÚSICA...

Luís, o mestre de música, preparounos cancións que falan da Paz de grupos, autoras e autores como Mecano, The Cranberries, Amistades Peligrosas ou Mercedes Sosa.

Animarannos as entradas e saídas da escola! 

Se queres escoitar as cancións ou ler as letras, consulta o BLOG DE MÚSICA.

PICASSO...

Seguro que viches, e pode que ata teñas debuxado miles de veces a pomba da Paz. 

Sabías que foi gracias a Pablo Ruiz Picasso que se estendeu o seu uso como símbolo da Paz e a non violencia?

Este pintor malagueño, que naceu en 1881, é un dos máis famosos artistas da arte contemporánea e a súa vida estivo moi marcada pola Guerra Civil Española e o bombardeo de Guernica. Un dos cadros máis importantes de Picasso é precisamente O Guernica que se atopa no Museo Nacional Reina Sofía.

Xunto co Guernica outros cadros, pósters, debuxos ou litografías de Picasso serán as protagonistas do noso traballo durante toda unha semana. Será creación de toda a escola o mural colaborativo sobre a obra de Picasso.

Algunhas destas obras son A Pomba, A Paz non quere o malo, Neno con Pomb, Guerra e Paz, O rostro da Paz, Peace on the Earth, Home pola Paz, Paz e Liberdade, O Guernica ou Peace for all nations.

Aquí podes ver algunha das obras de Picasso...

Así é como nenas e nenos da escola interpretaron a arte de Picasso engadindo ideas que para elas axudan a vivir en Paz e nun clima de non violencia.

XOGOS COOPERATIVOS E LECTURA DE POEMAS...

Para rematar a semana e celebrar o día 30 de xaneiro, reflexionaremos sobre a Paz e a non violencia poñendo en práctica xogos cooperativos. Leremos unha serie de poemas alusivos.

Deixámosvos este de Antonio García Teijeiro...

 Bicos como balas;

balas de cartón;

balas como bicos;          

bicos de algodón.

Son balas de bicos.

Son bicos de cor.

Son bicos de balas.

Balas de candor.

Aquí podes ver as fichas dos xogos que desenvolveremos:

DECEMBRO. Chega o Nadal!!

Chega o Nadal á escola e moitas actividades se desenvolverán durante esta semana...

O Concurso de postais de Nadal...

Dende o Equipo de Dinamización da Lingua Galega participamos nun concurso de postais navideñas. A continuación podedes ver algunhas imaxes...

Decoración...

Nenos e nenas, coa axuda das mestras, decoran a escola para que desfrutemos deste tempo especial...

                                                     

O ciclo de cine sobre Dereitos Humanos.  

Se queres ver máis información pincha AQUÍ.

O Festival de Nadal

O festival de Nadal faranos desfrutar de panxoliñas de nadal pero o que máis nos emocina é que nenas e nenos, da man de Luis, o mestre de música, interpretarán varias cancións de Nadal de de persoas que se adican ou adicaron á música como Jhon Lennon ou grupos como Mecano.

Algunhas cancións das que interpretarán son "Un año más" de Mecano ou "Jingle Bell Rock" de Bobby Helms.

Se queredes ter máis información sobre as cancións e os seus autores, así como ver algún video das cancións que traballaremos, no BLOGUE DA AULA DE MÚSICA atoparás toda a información.

Ademais... Semella que recibiremos a visita dunha persoas cunha barriga moi grande... Tamén ten barba e viste de cor vermella... Alguén a coñece?

Decembro.Cine e Dereitos Humanos

No día 10 de decembro conmemórae o Día dos Dereitos Humanos.

Despois de ter elaborado un mural colaborativo sobre os DDHH, durante a semana do 16 ao 19 de decembro traballaremos sobre estes Dereitos coñecendo cales son e a importancia da súa Declaración Universal para construír un mundo mellor para todas as persoas.

Para elo imos celebrar un ciclo de cine relacionado cos Dereitos Humanos.

As nenas e nenos do 1º Ciclo desfrutarán e aprenderán sobre os Dereitos Humanos con Historia de una gaviota y del gato que le enseñó a volar  

Italia, 1998. 75’
Dirección: Enzo d’Alò 

ARGUMENTO: Baseada no libro escrito por Luis Sepúlveda. Unha gaivota envenenada por unha mancha de petróleo confia o seu ovo ao gato Zorbas, obtendo del tres promesas: non comerse o ovo, coidar del ata que se abra e ensinar a voar á  recién nacida. 

TEMAS: Os temas relacionados cos valores que promoven o respecto polos Dereitos Humanos que se poden traballar co visionado desta película son algúns como a amizade, a diversidade, o respecto polo medio ambiente a tolerancia ou a responsabilidade.

2º Ciclo poderá visionar e reflexionar sober a película de animación O BOSQUE ANIMADO, baseada no libro do escritor galego Wenceslao Fernández Flórez

2001, Ángel de la Cruz. 80´

ARGUMENTO:

Todos os días o ocioso señor D'Abondo e o seu fiel criado Rosendo atravesan a fraga de Cecebre. Ás veces, o receloso sirviente non dubida en exclamar: "¡Parece que estivese animado o bosque enteiro!". Así é en realidade xa que, en canto os humanos se afastan, a natureza transfórmase e amósase en todo o seu esplendor, mentres árbores e animais viven en alegre e feliz harmonía.

Con todo a man do home, que todo altérao, traerá ao bosque a desorde e a infelicidade. A colonia de topos empezará a desaparecer, as árbores xa non cantarán as súas cancións que imitan o vento, os gatos rebelaranse contra o home e as moscas adicaranse a incordiar máis do habitual.

A toupa Furacroyos, a gata Morriña, o rato Piorno e a árbore Carballo, entre outros habitantes da fraga, xúntanse para solucionar os problemas e levar de novo a harmonía e a felicidade ao… Bosque Animado!

Para rematar, o 3º ciclo traballará sobre BINTA E A GRANDE IDEA  de Javier Fresser, 2004. 33´

Binta ten sete anos, vive nunha bonita aldea xunto ao río Casamance no sur do Senegal, e vai á escola. Binta admira ao seu pai, un pescador que, preocupado polo progreso da humanidade, está empeñado en levar adiante unha idea xurdida hai tempo.

Este documental forma parte dun conxunto de cinco películas, “En el mundo a cada rato”, que toca cinco temas relacionados directamente coa defensa dos Dereitos Humanos: a educación das nenas, o desenvolvemento sustentable, a loita contra o VIH  e a protección contra a violencia, a explotación ou a discriminación de nenos e nenas.

25 N. Día Internacional contra a violencia machista.

O pasado luns día 25 de Novembro conmemoramos na escola o Día Internacional contra a Violencia de Xénero.

Tres foron os obradoiros impartidos pola asociación NERIA arredor desta temática.
Mediante dinámicas participativas nas que nenos e nenas ían reflexionando sobre as diferentes situacións de violencia que se xeneran ao seu arredor, conseguimos visibilizar este grande problema social que dende a escola queremos traballar para ser quen de aportar solucións.

Entre outras actividades a proposta de elaboración dun Decálogo contra a violencia de xénero tivo grande incidencia no curso de 6º. Da man de Mª Carmen, a súa titora, e na área de Educación para a Cidadanía, animáronse a elaborar o seguinte Decálogo do alumnado de 6º contra a violencia de xénero: